القضية مش كلمتين و إنجازات وصقفتين

بسمة حجازي

ساعات من كتر أوجاع الناس بيقف القلم ويتألم

ساعات باكون متكتف وموجوع ومن قلبي بتألم

نفسي أداوي … نفسي أطيب

القضية مش كلمتين عن الغرام والهوى نكتبهم

القضية قضية بني البشر مع حكامهم

راضيين وفي طريقنا مكملين

لكن بالظلم ده مش راضيين

طالبين العدل  …

ده أساس الملك يا خلق

ما هو كلنا من طين

سيبوا الكراسي وحسوا بالناس

شوفوا كام واحد في البلد دي فقير وغلبان

كام واحد إتهان وبيتهان علشان لقمة العيش

لكن راضي ومش ناقم

صابرين يا بلد وطالبين العدل يا رئيس البلد

مش ناكرين للجميل وحافظين العهود و الإنجازات

لكن طالبين نظرة عطف على حال الناس

عاوزة أبو العيال ماشوفش كسرة عينه قصاد ولاده

مش عاوزة ألاقي ناس بتصرف بالملايين

وناس حتى الجنية مش لاقيين

العدل أساس الملك

……………………..

القضية مش كلمتين و إنجازات وصقفتين

الحمل تقيل لكن ربنا كبير

تعليقات الفيس بوك
لا يوجود كلمات دليلية لهذه المقالة.

اترك رد

لن يتم نشر عنوان بريدك الإلكتروني.

11 + 9 =

Share via