* بكرة *

16

بقلم الشاعر والكاتب ناجى أنس /

بكره
امبارح قال سماح
وبعت لنا بكره
قلنا كل اللي راح
محسوب علي الذكري

لو بكره ماعداش
وفضلنا عايشين فيه
نبقي إحنا ماعشناش
ومتنا منه فيه

الوقت لو يقف
يبقي حياتنا مفيش
حيجي يوم نعرف
ان احنا لازم نعيش

نندم ليه ع اللي عدي
بعد مافات و انتهي ؟
اي حاجات النهاردا
كان فيه حاجات قبلها

أيامنا اللي جايه
حتما اكيد حتمر
وبنفتكرها ثانيه
وبننسي فيها المر

نقول في ذكرياتها
كان الزمن الجميل
حتي لوكان ساعتها
زمن يهد الحيل

طول مانت عايش حس
وارضي بالنهاردا
إحلم بالجاي بس
و لما تلاقيه إرضى

مع ربك عيش وفكر
مفيش أحلي منه
حتعاند في المقدر
تبقي انت بتعانده٠

تعليقات الفيس بوك
لا يوجود كلمات دليلية لهذه المقالة.
Share via