280 × 90

* ياسلام عليكي يامصر *

14

كلمات العميد الشاعر ناجى أنس/

ياسلام عليكي يامصر
حقيقي باستغرب
كل دا ياحبيتي صبر
دا الصبر من مره
نفد خلاص صبره
للدنيا بتتعجب
وانتي ياحبيتي
متحمله للبلا
متهيألي الجبال

لو جري لها
اللي جري لك تتهد
من حالك الحالك
اللي مش ولابد
هوانتي ايه ملتك
رغم اني عارف نيتك
بس لازم اسألك
ماانتي في اسلامك
الاصيل تفسير لإنجيل
ترانيم وتبجيل من عهد الخليل
فاماتحزنيش وشد الحيل
عشان خاطر الميه ياسمره
اللي حاضنها النيل
وهو موجوع وشايل همك
في دموع نهرك
مبقتش بتعذب لجرحي
وصبحت باتعذب لجرحك
ياطييبه
كل ماتألم احس بيدك
جايه ليا بالحنان والطبطبه
احساس مش ممكن ياهبه
لما بتحضنيني
وتزيحي من قلبي انيني
و انا بلاقي
اللي بيزيح لي بلائي
وانتي بقي ؟
من اللي حيهنن عليكي
ولايمسح دموع عنيكي
اللي محتاجه تشوف امان
تحس بإطمئنان
عشان خاطري
ماتخديش علي خاطرك
من اللي اتحاملوا عليكي
وانتي قدرتي ودافعتي
لا نمتي يوم علي وشك
ولا انطرحتي علي ضهرك
وقمتي لاي جاجد
ظالم جبان واقفه ددبان
باستغرب لحالك جد
اللي حيوصلك لطريق سد
بعد ما م الهم والغم
يا أم الصبر اسود
اتحملي ناسك شبابك
وكباراتك وعيالك يابهيه
مانتي ياما جري لك
ولا حتخبي عليا ؟
ولا مره اشتكيتي
اتحملي شويه كالعاده
واعملي ياولاده
من ولادك حبالك
وانصبيها للي خربوكي خيه٠٠
حقك عليا ما انتي عليكي
بعنيكي فتنتي
زعلانه مني اكمني
بواسيكي في نفسك
حقك مانتي اكبر
من اللي يعزيكي النهار دا
في الشهدا
سامحيني عشان سبتك
سنين ناسيكي
وسايب الطماعين الفسدانين
ينهشوا فيكي ويقولوا لي
ولاصوت
ويرمولنا السم في العسل
والتوت
أسكت عشان تعيش
وتاكل عيش
وتحس بالحريه والعداله
ومتبقاش عاله اكتم سكوت
وإلا ياقله حتموت
بعد ما ينكتم نفسك
وعشان ما ربنا حارسك
رغم النهب والتهبيش
بتزيدي ومخلصتيش
طول عمرك قويه
ياعنيا مبتضعفتيش
طولي بالك شويه
يا آيه في مصاحف
العارف بتخلصي
وحتفضلي للابد ضهر وسند
لايمكن تخلصي
ماهما ضهرك ينجلد
يا اطهر واطيب
واشرف واحن بلد
انا بابصم بالعشره ليكي
انك قادره ياقاهر تصبري
أكتر كمان م الصبر علي
مرار الصبر
مهما يكون مر أذمه وحتمر
ياسلام عليكي يامصر٠

تعليقات الفيس بوك