280 × 90

ايام الصبا 

11

بقلم :عادل ابوالليف محمد
يا ايام الصبا عودى….
وبتمناكى لا تعودى
انا اللى الشعر شاب منى
وآخرتها انحنى عودى…
ولو حاانده بقيت عمرى
ماعمرك مره حا تعودى
وايامى جرت بيّه
وفكرك قاعده ما تفوتى
ياحسرة قلبى عالوحده
محدش دارى بوجودى
ولو عدتى انا عارف
ده صعب تأجلى موتى
يا ايام الصبا ياللى
نسيت اخده زمان فيكى
وبعد العمر ما عدى
بحن ارجع فـ يوم ليكى
ونفسى اصرخ واقول الآه
ماهى فـ ضلوعى وجعانى
لا صوتى سامعه خلاّنى
ولا حاسين بوجعانى
ومهما واسونى بلسانهم
مايشفوا الآه فـ وجدانى
ولو يا زمان تعود تانى
واختار فيك حبيب ليّه
ويشفى جرح عاش فيّه
وابقى رضيت بمكتوبى
لكن دلوقتى كيف حا اختار
وقلبى زى جمرة نار
منا مشتاق اعيد ايام
صبايا اللى كات اوهام
ولو عدتى يا ايامى
حا نفضل صاحى مش راح انام

تعليقات الفيس بوك