280 × 90

قصيده عن القدس للشاعر الكبير / إبراهيم رضوان بعنوان القدس فى دمايا

25

متابعه _محمود الهندى

القدس فى دمايا. شظايا فى عروقى
السكه.. والهدايه. الشمس فى طريقي
وحياتك ياحبيبه. ماحد يبص ليكي
هاندوس كل الديابه. وتعود ضحكة عنيكى
دانتي أصل الحكايه. وصديقى وشمس شوقى

ياقدس.. قلبى باكى. قدام بابك ياطاهره
داس العذاب سماكى. لكن هاندوسه بكره
وحياتك ياحبيبه. ماحد يبص ليكى
هاندوس كل الديابه. وتعود ضحكة عنيكى
دانتى أصل الحكايه. وصديقى وشمس شوقى

ياقدس روحى طايره. بترفرف فوق بيوتك
شايف عنيكى حايره. بكره هايعلى صوتك
وحياتك ياحبيبه. ماحد يبص ليكى
هاندوس كل الديابه. وتعود ضحكة عنيكى
دانتى أصل الحكايه. وصديقى وشمس شوقى

ياقدس وانتي روحنا. وانتي الدمع المكابر
سلاحنا.. نار جراحنا. والقلب ماعادش صابر
وحياتك ياحبيبه. ماحد يبص ليكى
هاندوس كل الديابه. وتعود ضحكة عنيكى
دانتى أصل الحكايه. وصديقى وشمس شوقى

تعليقات الفيس بوك