280 × 90

كنافة الحلواني

130

كتبت هيام عبد العظيم

نص كيلو كنافه نطلعه من الفريزر ونكسره بإيدينا ونخليها قطع صغيرة
نضيف عليها ٣ معالق سكر بودرة ونفركهم مع بعض وبعدين نضيف كوبابه سمنه واحدة واحدة لحد ما تتشربها كويس
ندهن الصينيه بسمنه ونرص نص الكنافه ونضغط جامد بإيدنا ونحط عليها المهلبيه ونضيف باقى الكنافه بس من غير ضغط يا دوب نساويها وندخلها فرن حامى على ١٨٠ درجه تتحمر من الجناب نشغل الشوايه واول ما تطلع تتسقي بالشربات تقيل وبارد
طريقه المهلبيه كوبايتين ونص لبن على ٣ معالق نشا ومعلقه قشطة نقلبهم مع بعض وع النار لحد ما تتقل
وكل سنة وانتم طيبين

الشربات لو عاوزنها مقرمشه هيبقي كوبايتين سكر على كوبايه مايه ويتقلبوا ع البارد الاول ونرفعهم ع النار ومنقلبش خالص بعد كظا اول ما يغلى نعصر نص ليمونة ونسيبها للتقل اللى عاوزينه
لو عاوزينها طريه يبقي السكر اد المايه

تعليقات الفيس بوك