280 × 90

خطوات سريعة سيدتى لنظافة وتعطير بيتك

100

كتبت _  هيام عبد العظيم

انعشي الأثاث بريحة الورد، بإنك تحطّي فوطة تلميع الأثاث في علبة صغيرة فيها كوباية مية مضاف عليها ملعقة ماء ورد، وعند الاستخدام اعصريها كويس أوي ولمعي بيها، وبكده ريحة الورد هتثبت في الخشب، وهتخلي البيت ريحته حلوة جدا.ولو ضيفتي نقطتين زيت ورد حتبقي الريحه اجمد اعملي معطر للمطبخ بإنك تغلي قشور التفاح أو البرتقال مع كوباية مية وعود قرفة ورشة فانيليا، ولما الخليط ده يغلي حطّيه في طبق، وارفعيه فوق التلاجة أو في أي مكان عالي، هيخلي ريحة مطبخك جميلة ودافية وغيريه كل فتره لتجديد الرائحه علشان تنضفي الفرن الكهربي والميكروويف من بقايا الأكل المتطاير، حطّي كوباية مية معصور عليها ليمونتين، وسخنيهم في الفرن أو المايكرويف لمدة 5 دقايق، وبعد كده امسحي الجدران الداخلية بفوطة قطنية. حتلاقي الدهون كلها طلعت والريحه ليمون ولا ارووووع ضيفي ملعقة نشادر أثناء غسيل الستاير، لأنها بتحميها من الكرمشة وبتخلّي لونها لامع ونقي، والغي خاصية العصر لو موجودة في غسالتك، لأن عصر الستاير بيخلّيها تتكرمش جدا وتفقد كتير من جمالها.ولو بتغسليها علي ايدك حطي شويه نشادر في ماء الشطب ونشريها فوراً إذا كانت الحوائط عندك متغطية بورق حائط نظّفيها من التراب بفوطة أو قطعة إسفنج ناشفة، لأن المية ممكن تغيّر ألوانها وتخليها باهتة. لما تيجي تنظّفي السجاد حاولي تقللي من التنفيض الجامد، لأنه ممكن يؤثر على خيوطه ويضيع رونقه، والأفضل إنك ماتخليهوش في الشمس لمدة طويلة لأنها ممكن تخلي الألوان باهتة، وممكن تكتفي بإنك تنظّفي السجادة بإسفنجة مبلولة بمية وخل، وده أفضل من غسيلها بالفرشاة والصابون. لتنظيف الأسطح الزجاجية امسحيها بقطعة قماش قطنية مبللة بماء مضاف إليه بعض الخل، وبعد ذلك امسحيها بقطعة قماش جينز .رتبي رف ملائات السرير وذلك بوضع الطقم كاملاً داخل الخدديه الخاصه به وبذلك تضمني شكل مرتب وتسحبيه سريعاً عند الاستخدام

تعليقات الفيس بوك