280 × 90

قصيدة ( الوهم ) للشاعر فهد الحوتى

68

متابعة _ هناء الكومى
الواد دا غاوي المنظرة
وحب البنات ع الفيس
بيعشق 300واحده 
و يكدب 500 كدبه
يخلي البنت دي عبله
وينقل منها علي جوليت
وكام من بنت بتصدق
وتسرح جوه أفلامه
ساعات بحار
ساعات طيار
ساعات الحاج متولي
ساعات شاعر بأوهامه
لكن طبع البنات دا رهيف
ساعات تجري ورا التخاريف
وتعشق روميو ف كلامه
لكن في الأصل حد ضعيف
يا بنت ابويا متأمنيش
ل حد بيحكي متخفي
ولا تبصي للون الشيش
ميخدعكيش
كلام الشات كلام معسول مبيدلش
دا وعد المزنه لو صدقت
في فصل الصيف مبتبلش
ويا ابن الناس
نصيحه وخدها من مطحون
ياما حب البنات بجنون
وكلم دي وعاكس دي ويوعد دي
وكان عشق البنات كاره
وغاب يحلم يكون له ف يوم
سبايك من بنات كالحور
و خابت كل أفكاره
وقابل بنت كات نسمه
قالتله أما الكلام يصفي
تعالي لأبويا و أتكلم
دا من يوجع بنات الناس
لابد ف لحظه يتألم
ويشرب نفس ذات الكاس
دي ساقيه ودايره يامعلم

تعليقات الفيس بوك