أحمد العابدين بقلم فاطمة بيومي

92

متابعة دكتور علاء ثابت مسلم 
الاوله فى الكلام
احمد العابدين
صلوا عليه
وسلموا
ف جمال محاسنو
اتأملوا
كتبوا كتير عنه
قالوا فيه ياما
تاه الكلام منى
مش لاقيه له
أقواله
محمد
المصطفى
احمد العابدين
زيدوا عليه الصلاه
وكملوا التسليم
محمود عند الخلايق
فاض الكرم من قلبه
من وجهه فاض النور
وف كل صلاه عليه
رحمه
فرج وسرور
سماه
ربه ف سماه
سبحانه من سماه
طه واسمه يس
محمود عند الخلق
احمد العابدين
لمانزل قران
يوصف عظيم طبعه
الايه فى كتابه
وف خلقه كان ايه
طهر القلوب نبعه
اصل العلا شأنه
فى محكم التنزيل
بين الالف والميم
الام ٱمنه
والام سعديه
حليمه
كان حلمها
من ربها هديه
فاض الكرم من قلبه
من وجه فاض النور
صاحب صحابه
فى ملحمه
والصحبه كانت ملهمه
وصى النبي وصيه
بالجار
لسابع دوور
قال النبي الرحمه
بالطفل والقوارير
لاخوانكم عليكم حق
ذمه
وعهد
ودين
وصى ووصاكم
اخوانى سماكم
مستنى ف سماكم
يوم اللقا
فى صحبته جنه
يكرم مسماكم
بين العجب والتيه
سبحان ال …اسرا
بيه
فى السر للسدره
وملايكه الرحمن
متجمعين سبحه
أمام يأم الانبيا
من اول سما
السما السبعه
وهديته لامته
خمسه
بخمسين ركعه
اول كل الحكايه
فى الغار تانى اتنين
ف الغار يطمن صاحبه
مسح بايده الدمعتين
صديق بصدقه
مصدقه
لما حكى مصدقه
صلوا عليه وسلموا
ف جمال محاسنو ا اتاملوا
فاض الكرم من قلبه
من وجهه فاض الضيا
احمد العابدين
سماه ربه ف سماه
سبحانه من سماه
محمد
بن عبدالله

تعليقات الفيس بوك
لا يوجود كلمات دليلية لهذه المقالة.
Share via