عاق والديه .. للكاتبة أم هاشم العيسوى

0 51
كتب – محمود الهندى
سطرت الكاتبة ام هاشم العيسوى هذه السطور للابن العاق فقالت :
… عاق والديه …
يا اللي نسيت حق امك وابوك
انتا فين حنية قلبك هما بيستنوك
مفتكرش في يوم غابو عليك او اختارو يوجعوك
ليه بتقسي عليهم دي آخرة ما في الدنيا جابوك
دول كانو بيقمسو وقتهم يشيلوك يدلعوك
انتا فين حبك وحنانك ليهم
يا خسارة هتبقى انتا والزمن عليهم
مش فاكر منهم مره في عيد يجبولك أجمل ثياب
ليه متفكرش مره بعقلك وقلبك.ولا بقو في الغياب
والله زمنك دا انقلبت فيه الموازين وبقت هباب
كنا زمان يا ولدي نحترم ابونا وكان مهاب
كنا نلعب ونضحك ومن هيبته نسكت لما يجي ع الباب
ولا امك تعبت فيك وسهرت الليالي
وانتا انعدم احساسك ولا تبالي
تفضل مراتك عليها وتقول دا حالي
يعني مراتك دلوقتي هيا بنت الناس
وامك كرامتها وزعلها في المداس
والله انتا حيوان وأقل منه مفيش احساس
افتكرها مني دي اسمها امك وانتا ليها عاق
مهما تلف في دنيتك والحلو فيها عليك شاق
وهيا مهما تعمل تقول دا ابن بطني باشتياق
قلبها يصرخ بعلو صوته.. مهما يعمل دا ضنايا
دا أملي في الحياه وعزوتي وكل منايا
وانتا ايه كل همك واحده سميتها ست الصبايا
وتجري في دنيتك وتشقي وتراضيها بالسرايا
مش سهله عند ربك قلب امك يقول اه
ألف جرح والف وجع بيسكنو منك جواه
وهوا نفسه تحن عليه وتسأل ودا كل مناه
عارف ايه يعني امك وابوك… والسند ايه معناه
تعليقات الفيس بوك
لا يوجود كلمات دليلية لهذه المقالة.

اترك رد

لن يتم نشر عنوان بريدك الإلكتروني.

ستة + اثنا عشر =

Share via