د. أحمد على يكتب ” الحذف والابدال عند الأطفال”


154

ابنى كلامه مش مفهوم
كتير من أولياء الأمور بيشتكى إن أبنه كلامه مش مفهوم والكلمه اللى دايما بتتقال أنه الولد بيتكلم بس ماحدش بيفهم كلامه غيرى
الطفل دا بيكون عنده مشكله من المشكلات دى اما انه بيحذف مخارج او مقطاع من الكلمات زى مثلا كلمة ( محمد ) ينطقها ( حمد ) او كلمة ( عربيه ) ينطقها ( بيه )
وممكن يكون عنده ابدال لمخارج او حروف مكان حروف تانيه زى مثلا كلمة ( سمكه ) ينطقها ( فمكه) كلمة ( طيارة ) ينطقها ( اياره )
او لدغات زى ما يبدل حرف ك .ت مثلا كلمة ( كلب ) ينطقها ( تلب )
وحروف كتير بتتبدل وبتغير معنى الكلمه او تخليها مش مفهومه أبدا للمستمع
المشكله هنا ممكن تكون أن الطفل جهاز النطق عنده ضعيف ( اللسان الشفايف الفك النفس ) وهنا بيحتاج لتدليكات وعمل تمارين معينه لكل جزء علشان نقويها.
وممكن تكون المشكله في ان الطفل مشتت الانتباه ومستقبل غير جيد للكلمات وبالتالى غير منتج للكلمه بشكل صحيح
وممكن يكون خلل في الجهاز العصبى او في اجزاء المخ المسؤله عن إنتاج الكلام
ممكن كمان يكون السبب هو ان الطفل بيعانى من اضطراب تدافع الكلام يعنى رتم الكلام سريع جدا لدرجة انه بيلطم الكلمات في بعضها بشكل يجعل المستمع مش فاهم ولا كلمة
ودا برضه اضطراب كلامى له فنيات علاجية اهمها الاسترخاء والكلام الايقاعى والكلام وفقا لزمن محدد وغيره
المشكله دى ممكن تكبر مع الطفل ويفضل كلامه مش مفهوم وطبعا دى لها اثار نفسيه سيئه جدا على الطفل اهمها عدم ثقته في نفسه وتجنب الدخول في حوار مع الاشخاص وعدم قدرته على التفاعل الاجتماعى بشكل سليم
( احمد على)