اشحن طاقتك الايجابيه بقلم وسام الهندي


125

حاجات بسيطه ممكن نعملها هتساعدنا نشحن الطاقه الايجابيه إللى جوانا وخصوصا لو انت حاسس انك تحت الضغط طول الوقت فى ظل رتم الحياه السريع إللى حوالينا ….
اول حاجه حاول تقلل الضغط إللى بتتعرض ليه كل يوم يعنى لو بتسوق وقدامك بديل انك ترتاح وتركب باص ما تترددش
لو بتتعرض كل يوم لحد من مصاصى الطاقه الايجابيه كثيرين الشكوى لازم تعمل وقفه وتقرر انك مش هنتكلم معاهم ولا تسمع لهم كل واحد فينا شايل شيله تقيله مهمتنا نخفف عن بعض مش نوقع بعض
كن ايجابى فى مشاعرك يعنى ما تمثلش انك مبسوط لو انت مضايق ..لاء عبر بوشك بكلمات واضحه محدش يستاهل تبوظ صحتك النفسيه عشانه
طبعا قبل كل ده الجأ لربنا الدعاء وقرأه كلام الله والصلاه ليها مفعول السحر فى اعاده ملأ الطاقه الايجابيه
الموسيقى والتأمل من أهم الحاجات إللى ممكن تعملك استرخاء وأعاده شحن للبطاريه إللى خلصت
اخيرا ابعد فى جزء خاص بيك لوحدك مع نفسك لمده ساعه ف اليوم خصصها لحاجه تكون بتحبها كنت بتعملها زمان ..قرأه..رسم …رياضه…قعده تأمل تكون بتريحك
اخيرا ابعد عن اى حاجه عملالك ازمه وضغطه على اعصابك افتكر ان نفسك دى ليها حق عليك لو انت ما عملتوش محدش هيعملهولها…
#وسام_الهندى