(يرضى مين ده) … بقلم :  وسام الهندى


0 131

يعنى معقوله كل سنه الأرصاد تتنبأ وتحذر قبل الميعاد بأيام ….والمسئولون بيتفجئوا بردوا والقاهره تغرق والحياه تتشل فى شوارعها….طب الناس دى ما فيش خطه طويله المدى يبدأوا فيها من الصيف جزء جزء …البلعات ما بتتسلكش ليه آخر شهر سبتمر تحسبا لتقلبات اواخر الخريف …ليه كل حاجه نسيبها لغايه لما الكارثه تحصل …يرضى مين بس أطفال مدارس توصل بيتها النهارده الساعه الثامنه والنصف مساء …يرضى مين الناس تدخل بيتها ٩ مساء وهى واقفه على كوبرى أكتوبر من الساعه الرابعه عصرا …هل معقوله المسئولين اتفجئوا زيهم زينا …مسئوليين الأحياء فين من شهور عملوا ايه تحضيرا لمواجهه كوارث الشتاء ..امته هنكون مستعدين لمواجهة الطوارىء…طريق السويس القاهره اغلقته السيول والناس اتحجزت فى المنتصف بعربياتها لا عرفه تمشى ولا عرفه ترجع تانى يرضى مين ده بس ….المسئول إللى مش مستعد ولا مجهز نفسه للظروف الطارئه واللى المفروض انه عارفها من زمان يبقى ملوش لزمه بقعد على كرسيه….اخيرا تحيه للراجل المحترم رئيس الوزراء إللى اخد قرار سريع بأعطاء المدارس والجامعات بالقاهره الكبرى اجازه غدا….وربنا يحفظ مصر .


اترك رد

لن يتم نشر عنوان بريدك الإلكتروني.