الإنسحاب ….. !!! بقلم… نيفين إبراهيم


0 81

بقلم… نيفين إبراهيم

الإنسحاب من حياة بعض الاشخاص لا يعني الإستسلام ، بل غالبا يعني انك صمدت طويلا من أجل شيء ظننته يوما أنه يستحق ولكن مع مرور الوقت إكتشفت الحقيقه وهي أنك تعيش في وهم يسمي ” الحب “
وأنك كنت تبرر أفعال تؤدي مشاعرك طول الوقت لأشخاص مهما فعلت لهم لن يتغيروا إلا بإنسحابك من حياتهم
خلي ..
إنسحابك أكبر عقاب ممكن تعاقبه لشخص ..
مقدرش قيمة وجودك فى حياته ..
أو مطلعش جدير بثقتك …
إنك تمشى و تسيبه و تنسحب تمامًا من حياته ..
مادام عاتبته مرة و إتنين و تلاتة و مفيش فايدة
يبقى .. إمشى و ضميرك مستريح ..
إحرمه من نعمة وجودك .. فى حياته
إحرمه من حبك إللى لو لف الدنيا ابدًا مش هيعوضه
إحرمه من الضحكة إللى .. كان بيضحكها معاك
إحرمه من نظرته .. ليك
إحرمه من جدعنتك و وقفتك .. جنبه
إحرمه من الكتف إللى كان بيسنده فى وقت .. ضعفه
إحرمه من إحساس الراحة إللى كان بيحسها ..
لما يفضفض معاك ..
إحرمه من دعواتك له فى .. عز شدته وقلقك عليه
سيبه يروح يتعرف على ناس تانية و سيبه يفرح
بالبدايات معهم لأن البدايات دايمًا مش مقياس …
كلها تمثيل و أقنعة ..
كل ما يعرف ناس أكتر و يتعمق معاهم أكثر ..
كل ما هيعرف قيمتك أكتر ..
خليه يتفرج على أصدقاء المصلحة …
و الناس إللى لابسة وشوش بيضا وقلوبها سوده إمشى و سيب له الذكريات …
و هى كفيلة تعرفه قيمتك …
و الأيام هتلف و هيحس إنه خسر .
حاجة غالية أوى ..
مش شرط إنه يجى يعترفلك .. إنه مفتقد وجودك فى حياته ..
بس كفاية إنه بينه و بين نفسه … هيبقى متأكد إنه خسرك !
و وقتها انت عزز روحك و صون قلبك فأنت تعيش مره واحده ليس لها إعادة
انسحبوا من حياة من لا يقدركم ……


اترك رد

لن يتم نشر عنوان بريدك الإلكتروني.