حكايات من روما …………المسيخ الدجال فى إيطاليا


0 2٬834

 

روما-محمد يوسف

#المسيخ_الكذاب
#عيسي_الكذاب

اتصال تليفونى صباحا من العبد لله
الووو… صباح الخير
المسيخ

برونتو مين معايا
انا محمد يوسف
المسيخ
اهلا استاذ محمد ازى صحة حضرتك
انا الحمد لله
المسيخ
اؤمرنى
انا
كنت عايزك تبعت لى سيرتك الذاتية علشان بأعمل فيلم وثائقي عن المصريين النشيطين فى إيطاليا
المسيخ
لا انا اعفينى من الموضوع ده
انا
ليه ؟
المسيخ
ماتتعاملشي معايا على انى مصري انا ايطالى
انا
طيب روحت قابلت رئيس الوزراء المصري بصفتك ايه ؟
المسيخ
لا دى اسألة لااقبلها
انا
ليه السؤال حرم ؟
المسيخ
اصل انت بتحب تشوه المصريين والمسيحيين بالذات
انا
ايش دخل الكلام ده فى موضوعنا ،انت قلت انك رئيس اتحاد العمال المصريين فى إيطاليا والاتحاد ده فنكوش ومالوش أى وجود ،ماحدش جاب سيرة أديان فى الموضوع اصلا
المسيخ
اسأل محمد يوسف انا مين ؟
انا
انا محمد يوسف اللى بأكلمك
المسيخ
ايوه باقولك أسأل محمد يوسف عنى انا اعرف ناس كبيرة جدا فى البلد وماانتاش قدى
انا
ضحكة تكاد تصل إلى درجة الشخير
المسيخ
انت ماتعرفشي انا ممكن اعمل ايه
انا
طيب سيبك من ده كله انت واخد الدكتوراة بتاعتك فى ايه؟ وانا اخر معلومة عندى انك دبلوم (مؤهل متوسط),وكنت بتشتغل فى إيطاليا كهربائى وفاشل كمان ,واتسجنت ف آخر التسعينات بتهمة تزوير رخصة القيادة المصرية والبطاقات الصحية فى عصابة رؤوف بتاع تراى ستيفري وهو اترحل وانت دخلت السجن مع باهر فاكر والا نسيت ؟
المسيخ
انت بتدخل نفسك فى اللى مالكشي فيه ليه ؟
انا
طيب هل تم سجنك فى قضية تزوير رخص مصرية إلى الإيطالية فى سنة 1996-1997 ايام رحمة الله عليه حلمى غطاس ؟
المسيخ
انت بتجيب المعلومات دى منين ؟
انا
من الأمن الايطالى مباشرة اللى انت بتهددنى بيه ياموز
المسيخ
تلجلج لعدة لحظات انت عايز تشوه صورتى قدام الناس ؟
انا
والله انا طلبت سيرتك الذاتية منك تحديدا علشان مااستندش لمعلومات مصادرى فقط ،زائد عايز اعمل معاك شغل للجالية المصرية ونخدمهم حتى خدمات مدفوعة الثمن يعنى مش ببلاش .
المسيخ
انا شغلى على مستوى كبير
انا
هل فعلا اتفقت مع مسؤولين انك ح تبيع تأشيرات للعمالة المصرية وح تقسموا الحصيلة سوي ؟
المسيخ
انت مين بيقولك المعلومات دى بتجيبها منين ؟
انا
مصادر ،والمفروض حضرتك تأكد أو تنفي ؟
المسيخ
معلوماتك مغلوطة
انا
طيب قول الصح
المسيخ
انا ح ابلغ عنك البوليس
انا
بتهمة ايه ياموز ؟
المسيخ
صمت ……… صمت ……صمت …… انقطاع المكالمة
وبعد المكالمة الجميلة دى اعتبروا أن ده بلاغ منى للأمن المصري بسبب انه قابل رئيس وزراء الحبيبة مصر دون معرفة أصله وفصله وسيرته اللى مش ولابدمنتحلا شخصية رئيس إتحاد العمال المصريين فى إيطاليا الفنكوش  بلاغ ضد السيد عيسي الكذاب كما أطلق عليه أحد الأساقفة الذين نجلهم ونحترمهم بعد أن تعددت شكاوى المصريين ضده بسبب قضايا نصب متعددة فما كان من سماحة الاسقف المحترم الا أن طرده ومنعه من دخول الكنيسة وأطلق عليه الاسم الشهير عيسي الكذاب.

إلى حلقة قادمة مع ضيف آخر من كذابين الزفة .

 


اترك رد

لن يتم نشر عنوان بريدك الإلكتروني.