قيس_نفسك_علي_نفسك بقلم فاطمة بيومي


0 55

متابعة دكتور علاء ثابت مسلم

زمان لما كنت بروح مع اولادى وهمه صغيرين بطولات السباحه
كنت بشوف حاجه استغربتها اوى
كنت اشوف سباح جايب ميداليه دهب وطالع زعلان ومش فرحان بالدهب
واشوف سباح تانى ما اخدش اى حاجه ولا حتى حقق مركز بس طالع فرحان مامته ومدربه بيهنوه
طبعا كنت بقول في نفسي ايه الهبل ده
هيه الناس دى بتفكر ازاى
وزى كل حاجه ما بنبقاش فاهمينها كنت بحكم بفكرى البسيط عن الحكايه وبجهلي عن بواطن الامور
#الحكايه ان
*ال جاب الدهب ماحسنش زمنه وعلي ارقامه رغم انه الاول في سبقه
فالفوز بالنسبه له منطقي لكن مش احسن حاجه حصلت بعد تعب سيزون كامل
تمرين وفيتنس وجيم و رجيم وصحيان الفجر ونوم نص الليل وعوم فى الشتا وعز امتحانات و ووووو……
*اما السباح التانى ال فرحان هوه وماما وبابا والمدرب
#قاس_نفسه_علي_نفسه
لاقي نفسه محسن زمنه ونزل ارقامه
يعنى تعب الوقت ال فات جاب نتيجه حتى لو ماكنش جاب ميداليه🏆
#قيس_نفسك_علي_نفسك مبدء مهم اتعلمته من السباحه
ممكن تقابلك صعوبات كتير تعب مرض كسر اى اصابه من اى نوع ممكن تقع👎
عادى هتقوم وتبدء تانى وتكمل
لانك دايما البطل💪
#الفكره
ان طبيعي نتمني الفوز والوصول للقمه
لكن كل خطوه فى طريق النجاح 🏆نجاح🏆 فى حد ذاته حتى لو كانت مجموعه خطوات من الفشل
#الفكره ان مهم جدااا الفوز على الكل وابقي البطل بس الاهم انى افوز علي نفسي
واقيس نفسي عليها
واشوف انا اتطورت اد ايه وكنت فين وبقيت فين
#الفكره ان ماتحكمش باللي بتشوفه عنيك ولا حتى ال بتسمعه بودنك لان دايما
الخبايا اكبر اعظم وبتفسر الحكايه
فيما “لم تحط به خبرا”
#السباحه مش رياضه وبس
#السباحه 🏊حياه🍀 ويا تفوز🏆 يا تتعلم💪
Go hard💪 or go home🏃
Farah Battisha
Omar Battisha


اترك رد

لن يتم نشر عنوان بريدك الإلكتروني.