لبلبه: قلّدت الجميع ما عدى أم كلثوم.. ونجاة كانت تكرهني


0 69

كتبت : إسراء البواردى
لبلبة 14 نوفمبر 1946 ، ممثلة استعراضية مصرية اسمها الحقيقي نينوتشكا مانوك كوبليان، ولدت في مدينة القاهرة من أسرة ذات أصول أرمنية ، عملت في الفن منذ طفولتها عن طريق تقديمها لفقرات تقليد الفنانين التي اشتهرت بها في هذه الفترة، واستمرت على مدار عقود طويلة في العمل السينمائي لتقدم العديد من الأعمال المتنوعة بين الدرامي والكوميدي .
وفى لقاء صحفي للفنانة لبلبة قالت فيه:
“والدتى كانت تدعمنى دائما فى مجال الفن، حتى أنها كانت منعانى أدخل المطبخ عشان أتعلم حاجة، وتقولى روحى احفظى السيناريو أو نامى عشان عندك بكرة 4 حفلات، وقتها كمان كنت بشتغل فى التقليد والناس كانت بتحبنى أوى لما بقلد، وياما قلدت فنانين منهم عبد الحليم حافظ وفايزة أحمد، ومكنش فى حد بيزعل منى وكلهم كانوا بيحبوني”.
وتابعت: “قلدت الجميع ما عدا السيدة أم كلثوم، حسيت إنها أكبر بكتير إنى أقلدها، وكنت فى مرة عندى فقرة فى عيد ميلاد وكانت أم كلثوم موجودة، وبعد ما شافتتى بقلد فنانين أعطتنى المنديل وقالتلى قلدينى وقلدتها وانبسطت منى، ودى كانت أول وآخر مرة، أما الفنانة فايزة أحمد كانت بتزعل وتعاتبنى لو مقلدتهاش فى فقرتي”.
وأضافت: “محدش زعل منى إنى قلدته وكانوا بيحبونى أوى، لكن نجاة الصغيرة الوحيدة اللى زعلت، وكان المفروض أطلع فى حفلة وكانت فقرتى الأول، وهى كانت عاوزة تطلع وفهموها لما الفقرة تخلص، وبعد ما خلصت وطلعت نجاة وهى بتغنى لقيت الجمهور بيضحك، فسألت هو إيه حصل فقالولها إن لبلبة كانت لسه بتقلد نفس حركاتك، وبعد كدة لما كان بيجيلى حفلات كانت بتلغهالى بعد ما تطلب من المتعهدين كدة، لأنها موجودة فى نفس الحفلة معايا.

اترك رد

لن يتم نشر عنوان بريدك الإلكتروني.